Mund të konsiderohet alarmante situata nga Covid-19 në vendin tonë, pasi shifrat e rasteve të reja dhe viktimave nuk njohin ulje. Kështu, në 24 orët e fundit janë konfirmuar 241 të infektuar nga 1260 testime të kryera në total, teksa 7 pacientë të cilët merrnin trajtim mjekësor në dy spitalet Covid, kanë humbur jetën duke e çuar numrin e përgjithshëm të viktimave në 509.
Fatmirësisht, e kanë fituar betejën me këtë sëmundje 92 qytetarë.
Aktualisht në këto dy spitale po marrin trajtim mjekësor 301 pacientë, ndërsa numri i të shëruarve që prej fillimit të pandemisë ka shkuar në 11,189.
COVID-19 – Statistika (31 Tetor 2020)
Raste të reja ditore 241
Të shëruar ne 24 orë 92
Të shtruar në spitale 301
Humbje jete në 24 orë 7
Testime ditore 1260
Testime totale 125,220
Raste pozitive 20,875
Raste të shëruara 11,189
Raste Aktive 9,177
Humbje jete 509
Ndërkohë, sot u hap spitali COVID/3, ku janë të shtruar 6 pacientë, teksa autoritetet bëjnë me dije se në ambientet e tij janë 150 shtretër dhe një njësi reanimacioni.
Ministrja e Shëndetësisë Ogerta Manastirliu teksa ka konfirmuar hapjen e spitalit Covid 3 në QSUT, pas plotësimit të kapaciteteve të dy spitaleve të parë me pacientë të infektuar nga koronavirusi, në një postim në rrjetet sociale, i bën thirrje qytetarëve të respektojnë rregullat në mënyrë që të shmangin përhapjen e infeksionit.
