Beyonce na jep një tjetër arsye për ta adhuruar më shumë. Ylli i muzikës shpalli të martën, në përvjetorin e albumit të saj “Lemonade”, një program të ri të bursave për femrat që studiojnë artet kreative, muzikën, letërsinë ose studimet afrikano-amerikane.
“Katër çmimet e “Formation Scholars”, që janë të disponueshme për vitin akademik 2017-2018, kanë për qëllim që të inkurajojnë dhe të mbështesin femrat që nuk janë të frikësuara të mendojnë ‘jashtë kutisë’, që janë të guximshme, kreative, të ndërgjegjshme dhe të sigurta”, shkruan në deklaratën e saj këngëtarja.
Beyonce sërish ka treguar anën e saj humane, për të cilën është shumë e njohur dhe përpjekjet e saj për të ndihmuar emancipimin e femrës.
Kjo ide ishte shumë e mirëpritur nga fansat, veçanërisht nga universitetet përfituese të këtyre bursave, që janë: “Kolegji i Muzikës Berklee”, “Universiteti Howard”, “Shkolla e Dizajnit Parsons” dhe “Kolegji Spelma”.
Burimi: Glamour
