Duke qenë se është rritur në Bubq, një fshat në rrethin e Krujës, të gjithë e kuptojmë maninë e aktorit Bes Kallaku pas ushqimeve bio, veçanërisht domateve.
Ai i nxjerr shpesh herë ato në profilin e tij në Instagram, ku tregon se vdes për pak bukë me djathë dhe domate. Madje dhe unazën tha se ia kishte dhënë Xhensilës në një domate.
Çifti do të bëhet me një vajzë së shpejti. Vetëm pak ditë më parë Xhensila dhe Besi konfirmuan publikisht lajmin e shtatzënisë duke publikuar foto me barkun e rrumbullakosur dhe me dedikime mjaft emocionuese.
Duke qenë në pritje të një vogëlusheje, Besi na ka treguar për herë të parë sesi e imagjinon se do të jetë vajza e tij. Ai ka publikuar një foto të një bebi që fle në një krevat të mbushur me domate.
Me sa duket, Besi do ta mësojë vajzën e tij të ushqehet shëndetshëm si vetë ai. Për këtë, nuk besojmë se Xhensila Myrtezaj do të ketë ndonjë problem.
