Aktorja e humorit, Rudina Dembacaj është gjithnjë në qendër të vëmendjes. Ajo gjithashtu është shumë aktive në rrjete sociale, ku herë pas here publikon postime në Instagram.
Mirëpo, sot ajo ka publikuar një ‘story’, ku ka kryer një injeksion pak të vështirë.
Ajo ka postuar edhe një pyetje ku thotë se çfarë i la amanet bashkëshortit të saj, Mark Frrokut para se të futej në sallë.
Gjithashtu, ajo kishte renditur edhe disa alternativa për ndjekësit e saj.
Mirëpo, ajo ka bërë edhe një sqarim në Instastory.
“Që të sqarohem ishte thjesht një injeksion (jo ndërhyrje) pak i vështirë që duhej bërë me anestezi. Nuk e kisha amanet serioz. Më tepër për të ç’tensionuar Markun”- shkroi ajo.
Ajo më herët ka qenë e ftuar në emisionin “Jeto me Orën” dhe ka folur për marrëdhënien që ka me bashkëshortin e saj, Mark Frrokun.
“Patjetër që ka turbulenca, turbulenca shumë të lehta do thoja. Dhe jam shumë e lumtur për këtë dhe shumë krenare, sepse diskutimet tona shkojnë maksimumi në debate. Në fillimet tona… të lexoj çfarë i kam thënë sot Markut. Unë gjatë gjithë kohës bëj shumë shaka me Markun sepse dua ta kujtoj gjatë ditës, por nuk e bezdis ndonjëherë, as ai mua, me këtë ‘alo ça po bën’. Më duken shumë klishe. Dhe për t’i thënë në një farë mënyre tjetër që e dua i thashë: ‘Zemër ka raste që mendoj se nuk do të të lë asnjëherë dhe frikësohem. Se sikur po më ndryshon karakteri.’”
