Në mars të këtij viti Olti Curri shpërtheu në një deklaratë kundër këngëtares Tuna. Këngëtarja në atë periudhë mbajti një koncert recital në Shkup për të promovuar albumin e saj të ri “Fortuna” dhe Olti Curri e kritikoi këngëtaren për pamjen e saj.
“Ku e panë Divën në këtë koncert? Te fustani atllas që duket si perde e teatrit të kukullave? Te skenografia me tre karrige dhe një ekran që duket si shfaqje maturantësh në një klasë gjimnazi për mbylljen e vitit shkollor?
Apo tek skena që duket si kabinë dushi, aq e vogël sa po të hapë krahun Tuna, i thyejnë turinjtë orkestrës ose balerinëve! Po masa të rrepta sigurie pse? Tuna s’ka lënë fast-food, lokal, lulishte pa kënduar edhe nuk e ka prekur kush me dorë. Gjynah kolegë gazetarë që tallen kështu me një artiste.”- shkruante Olti në një postim të tij.
Kjo deklaratë u shoqërua me shumë komente megjithatë duket se Tuna dhe Olti e kanë sqaruar situatën dhe opinionisti pak minuta më parë ka bërë një veprim të papritur.
Ai ka publikuar në Instastory këngën më të fundit të Tunës duke e cilësuar atë si këngën më të bukur të sezonit.
“Kënga më e bukur dhe më moderne e këtij sezoni, Bravo Tuna, Armend, Aida, Darko”, shkruan Olti.
Të kenë bërë paqe vallë?
