Bella Hadid është një ndër modelet më të kërkuara të momentit. Së fundmi 21-vjeçarja është vendosur në Japoni ku po kalon një javë të mbushur me aktivitete të shumta dhe këtë e ka bërë të ditur nëpërmjet postimeve të saj në rrjetet sociale.
Para dy ditësh modelja e njohur publikoi në Instagram një foto ku shfaqej me flokë bionde para një portreti gjigand të saj.
Të gjithë menduam se bëhet fjalë për një paruke, por fotot e publikuara dje dhe sot në Instagram na bindën se ajo ka vendosur t’i rikthehet sërisht ngjyrës bionde.
Me këtë “look” të ri flokësh Bella i ka befasuar fansat, të cilët kanë nxituar ta komplimentojnë.
