Avokati Spartak Ngjela është sërish në qendër të vëmendjes për deklaratat e tij. Këtë herë jo në lidhje me një femër të caktuar, por duke i përgjithësuar të gjitha.
Ngjela ka deklaruar se femra edhe “kur përdhunohet dorëzohet nga kënaqësia”. Në një intervistë së fundmi, avokati shtoi se ka momente kur gratë nuk i rezistojnë dot vështrimit të një mashkulli, si edhe “bëjnë skema sikur s’duan” të kryejnë marrëdhënie.
“Nuk e di sa është përqindja por ka raste kur femra nuk i reziston dot vështrimit të tij. Po flasim për momentin psikik, është dobësi. Nuk e ka burri, e ka vetëm gruaja. Pse nuk i reziston dot gruaja vështrimit të tij, e shumë gjëra të tjera. P.sh. në legjislacionin anglez nuk mund ta akuzosh tjetrin për përdhunim në rast se nuk ke rezistuar.
Ajo duhet të rezistojë. Është edhe skema e vajzës se bën sikur s’do.
Ato që akuzojnë për përdhunim në bazë të të drejtës penale angleze ata masin sa e ke segmentin e rezistencës. Se vjen një moment i caktuar që femra mbasi ka filluar të shtrëngohet për përdhunim dorëzohet nga kënaqësia.
Prandaj duhet të jetë rezistenca e madhe që ai ta dënojë, sepse mund të jetë skerco. Bën sikur s’do, këtu matet shkalla e rezistencës”, përfundoi avokati Ngjela.
