Këngëtarja me origjinë shqiptare, Dua Lipa u akuzuar nga mbarë shqiptarët se ajo refuzoi të shkonte në festën e Pavarësisë së Kosovës, duke qenë se nuk kishte pranuar të këndonte falas. Megjithëse më vonë ishte babai i Dua-s që i sqaroi të gjithë se vajza e tij nuk kishte pasur një ftesë zyrtare për të qenë pjesë e festës së 10-vjetorit të Pavarësisë.
Në postimin ku uroi gjithë shqiptarët për Pavarësinë Dua shkruante se shumë shpejt do të vinte në Kosovë për një koncert. Me sa duket ky është një premtim i mbajtur i këngëtares, e cila tashmë ka publikuar edhe datën zyrtare.
Në “Instagram”-in e saj Dua ka shpërndarë turin e saj veror me të gjitha datat e përcaktuara. Në 10 gusht, Dua do të jetë në Prishtinë për të mbajtur një koncert madhështor.
Së bashku me Dua-n në këtë koncert në Prishtinë do të jetë edhe këngëtari shqiptar me famë botërore Albert Stanaj, i cili do të jap koncertin e tij të parë në Kosovë.
“Hej Dua Lipa, nuk më pritet që të bashkohem në Kosovë në festivalin e muzikës ‘Sunny Hill’. I emocionuar që do performojë për herë të parë në Kosovë. Detaje të tjera së shpejti, shihemi”, shkruan Stanaj.
