Mijëra të pranishëm u emocionuan të premten mbrëma kur këngëtarja me famë ndërkombëtare Bebe Rexha, u përlot teksa fliste për origjinën e saj shqiptare.
“Jam në shtëpi”, bërtiti Bebe Rexha, ndërsa të pranishmit duartrokitën. Pasi përshëndeti njerëzit në shesh, ajo tha se është me origjinë nga Dibra dhe pavarësisht se nuk dinte të fliste aq mirë shqip, ajo përpiqej vazhdimisht t’ju drejtohej fansave në gjuhën shqipe.
“Shumë prej fansave që kam në rrjetet sociale,” Facebook” dhe “Instagram”, janë shqiptarë dhe unë jam shumë e lumtur”, tha Bebe teks au përlot në skenë.
Performanca e saj zgjati vetëm 30 minuta, por publiku e mirëpriti këngëtaren shqiptare e cila ndezi skenën dhe krijoi atmosferë.
Kjo ishte hera e parë që Bebe performonte në Tiranë, dhe ky fakt ishte emocionues për të.
Ajo mbërriti të mërkurën në kryeqytet dhe u shoqërua nga vajza e vogël e Ilir Metës, Era. Madje në disa foto të publikuara në Snapchat nga Bebe, shihet se të dyja ato kanë qëndruar në të njëjtën dhomë.
Por ashtu sikur është thënë edhe më parë, Bebe dhe Monika Kryemadhi janë kushërira.
Bebe Rexha: Jam nga Dibra by PanoramaVideo
