“How you remind me” ishte kënga e zgjedhur nga Ledion Liço për të konkurruar te “Ethet” vite më parë.
Sot edhe pse ai nuk ka bërë progres të madh sa i përket muzikës, i këshillon fansat e tij të mos dorëzohen edhe kur marrin si përgjigje një “JO”.
Në videon e publikuar në “Instagram”, duket shumë interesante të shohësh sesi prezantuesi i “The Voice”, dikur konkurronte vetë si këngëtar.
Shpëtim Saraçi dhe Kristi Popa në juri i thanë “po” adoleshentit që sot është një nga emrat më të njohur të televizionit, ndërsa, përsa i përket jetës private, pret të bëhet baba.
