Bebe Rexha është një ndër personazhet që ka dhënë më tepër mesazhe për vetëbesimin dhe dashurinë ndaj vetes. Këngëtarja ka treguar se ajo ndihet gjithmonë mjaft mirë nën lëkurën e saj dhe se është shumë e lumtur me format trupore që ka.
Së fundmi, ajo ka ndarë në Tik Tok një video të saj, në të cilën shfaqet e veshur me bikini duke nxjerrë në pah linjat. Videoja e saj nis me një pyetje: “Sa mendoni se peshoj?”.
Më pas ajo kthehet me kurriz nga kamera dhe përkrah videos së saj shkruan: “Nuk është puna e askujt”. Më pas shton: “Por le ta normalizojmë peshën 75 kilogramë”, duke zbuluar se sa peshon në të vërtetë.
@beberexhaFeeling like a bad bitch today.
Artistja shton se ajo ndihet shumë e bukur dhe plot vetëbesim pavarësisht kilogramëve të saj, ashtu siç duhet të ndihet në të vërtetë çdo grua.
Ndërkohë para disa javësh, Bebe ndau në llogarinë e saj në Instagram një video të formave të saj trupore të pamodifikuara, mirëpo komentet s’ishin fort të mira, kryesisht nga ana e shqiptarëve.
Shumica e kanë quanin artisten “lopë” dhe këto komente vinin nga gjinia femërore, por edhe Bebe rexha nuk i la pa një përgjigje të mirë.
“Do ta postoj se si duket trupi im në të vërtetë, sepse askush nuk është perfekt. Dhe shumica e komenteve në shqip thonë se unë jam ‘një lopë’, ‘është e shpifur’. Në vend që ta ngremë njëri-tjetrin, ne e ulim njëri-tjetrin”, u shpreh Bebe Rexha dhe mesazhi i saj ishte shumë i qartë oër të gjithë pasi u përcoll në gjuhën shqipe.
