Beatrix Ramosaj është komentuar shumë së fundmi për udhëtimin që vendosi të bëjë disa ditë më parë, fill pas refuzimit për të darkuar në shtëpinë e “Big Brother VIP” si rrjedhojë e hatërmbetjes me komentet e Salsano Rrapit për të.
Ndërkohë ditën e sotme, këngëtarja i ka tronditur të gjithë me disa ‘story’ në llogarinë e saj të “Instagram”, ku shpërthen dhe akuzon rënde analisten e “Big Brother VIP” Balina Bodinakun.
Ajo ka publikuar disa biseda të Balinës ku pretendon se ka burime që i kanë thënë se Beatrix është me pushime me të dashurin e saj, duke thënë se për këtë ka burime të sigurta nga agjensia.
Më pas, Trixa ka postuar me ‘screenshot’ profilin e Balinës, për të vërtetuar që kjo e fundit e ka bllokuar në llogarinë e saj.
Më pas, ajo shton se ky veprim i opinionistes i ka vërtetuar hamendësimet se komentet e saj gjatë rrugëtimit në “Big Brother” kanë qenë personale.
“Të hamendësosh për jetën time private me shoqet e tua je e lirë ta bësh kur të duash, por të mundohesh të influencosh mbështetësit e mi me shpifjet e tua nuk mund ta toleroj. Kështu si ke vepruar ti më vërteton që instiktin e kam pasur të saktë. Sa herë më ke sulmuar brenda shtëpisë BBV e ke pasur personale. Mesa di une nuk të kam rënë ndonjëherë në qaf, prandaj kjo të jetë hera e fundit që ti shpif për mua ose ndryshe do ndjek rrugë ligjore.
Nuk më ul vlerat do ti @balinabodinaku”- shkruan ajo.
Ende nuk ka ndonjë reagim nga Balina.
