Pavarësisht se Bashkimi Europian ka hapur kufijtë e jashtëm për disa shtete, Shqipëria vazhdon të mos jetë pjesë e kësaj liste edhe për 15 ditë të tjera.
Shqipëria, Kosova, Maqedonia e Veriut dhe Bosnja Hercegovina nuk përmbushin ende kriterin kryesor të menaxhimit të pandemisë COVID-19, lidhur me numrin e infektimeve për çdo 100.000 banorë.
Kjo listë me vendet në pritje të hapjes së kufijme me BE rishikohet çdo 15 ditë.
Lista ka të bëjë konkretisht me heqjen e kufizimeve për udhëtimet jo-esenciale drejt Bashkimit Europian të vendosura për shkak tê rrezikut të përhapjes së COVID-19.
Së fundmi, listës së mëparshme i janë shtuar Australia dhe Kina.
Burime të Këshillit të Bashkimit Europian tregojnë se autoritetet në Australi janë përpjekur për menaxhimin e pandemisë koronavirus.
Ndërkohë, qytetarët e Kinës do të lejohen të udhëtojnë drejt BE-së vetëm nëse Kina heq kufizimet e veta për qytetarët evropianë. Ky informacion pritet të zyrtarizohet në 15 korrik.
