Tragjedia në Bat Yam po thellohet çdo orë. Komandanti i policisë rajonale, Daniel Haddad, ka konfirmuar se shtatë persona figurojnë ende të zhdukur, ndërsa numri i viktimave ka arritur në tetë.
“Fokusi ynë kryesor në këto momente është gjetja e të zhdukurve”,, deklaroi Haddad për mediat. Sipas tij, dëmet janë të shumta, ndërtesat janë shembur dhe rrënojat po e vështirësojnë punën e ekipeve të kërkim-shpëtimit.
Policia ka hapur një linjë emergjente në numrin 105, ku qytetarët mund të raportojnë çdo informacion për persona të zhdukur apo rrezik të mundshëm.
Ajo që e bën situatën edhe më kritike është fakti se disa nga godinat janë goditur nga një raketë me kokë jashtëzakonisht të fuqishme, që ka lënë pas një zonë të tërë në shkatërrim.
Ndërkohë, autoritetet lokale dhe organizatat humanitare janë në terren për të ofruar ndihmë për qindra banorë që kanë mbetur pa strehë.
“Procesi i pastrimit dhe kërkimit mund të zgjasë ditë të tëra,”, shton Haddad.
Situata në Bat Yam mbetet kritike dhe autoritetet i bëjnë thirrje qytetarëve të qëndrojnë të kujdesshëm dhe të ndihmojnë me çdo informacion të mundshëm.
