Pas lajmeve ku thuhej se Dragos Savulescu. kishte probleme me drejtësinë, Angela Martini nuk u pa më në shoqëri të bashkëshortit të saj.
Me shpejtësi në media u aludua për një ndarje të mundshme të tyre, megjithatë pas një viti, modelja shqiptare hodhi poshtë çdo aludim.
Ditën e Shën Valentinit, ajo publikoi në Instagram një video ku tregonte tatuazhin e përbashkët me Dragos dhe të dy formonin një zemër.
Nga fotot që ajo publikonte u vu re se ajo ndodhej në Itali dhe shkak u bë bashkëshorti.
Kjo pasi sipas mediave ruse, dy ditë më parë ai u dorëzua në policinë italiane pasi qëndroi një vit në arrati.
Megjithatë, duket se Dragos e ka zgjidhur çështjen dhe këtë e ka treguar modelja shqiptare në postimin e saj në Instagram.
Ajo ka publikuar video ku shfaqet me bashkëshortin në një makinë luksoze dhe po shëtisin rrugët e Milanos.
“E vërteta, drejtësia dhe dashuria e vërtetë fitojnë gjithmonë”, shkruan Angela në video.
Angela dhe Dragos celebruan dashurinë e tyre në vitin 2017 në një ceremoni të veçantë. Modelja shqiptare i habiti të gjithë me fustanin e zi ekstravagant që kishte zgjedhur për ditën e rëndësishme.
