Një ngjarje e rëndë ka ndodhur mëngjesin e sotëm në Itali, ku një 29-vjeçare shqiptare është goditur me thikë nga bashkëshorti i saj.
Sipas dëshmitarëve të ngjarjes, grindja ka filluar në rrugën Vlaudia Augusta, në të cilën 29-vjeçarja kishte dalë me foshnjën e saj disa muajshe në karrocë.
Raportohet se pas aktit të rëndë, shqiptari 41-vjeçar tentoi të largohej, por disa kalimtarë e bllokuan dhe e mbajtën atë derisa Policia e arrestoi.
Nga ana tjetër, e lënduara është dërguar me urgjencë në spital në Bolzano, prej ku iu nënshtrua një operacioni. Ajo aktualisht nuk është në rrezik për jetën, megjithëse është në gjendje të rëndë.
