Siç edhe ju mund ta keni dëgjuar, dy këngëtaret, Adelina Ismaili dhe Leonora Jakupi para disa kohësh kanë pasur një marrëdhënie të krisur bashkë.
Në një prapaskenë koncerti, ato kanë debatuar me njëra-tjetrën dhe debati ka agravuar në përleshje fizike.
Leonora më pas e ka hedhur në gjyq Adelinën, e cila u gjykua si e pafajshme.
Pasi këngëtaret nuk kanë pasur komunikim me njëra-tjetrën për vite me radhë, aktualisht thuhet se janë pajtuar.
Ndërkohë, së fundmi, i ftuar në emisionin “Mirage” ka qenë moderatori i njohur Naim Abazi, i cili ka deklaruar publikisht se është munduar t’i pajtojë dy këngëtaret.
“Jam munduar të punoj në drejtimin që t’i pajtoj, njerëzit që kanë vlera duhet të jenë të pajtuar. Edhe vlerat e tyre të konkurrojnë njëra-tjetrën”, pohoi Abazi.
