Vëmendje, vëmendje! Zërat se Dua Lipa mund të bëhet vërtet kunatë me motrat Hadid duket se janë të vërtetë.
Një javë më parë, burime për “Prive.al” bënë të ditur se Dua dhe Anwar Hadid ishin në fillimet e një romance por asnjë provë për një gjë të tillë ende nuk kishte dalë në dritë… deri më tani.
Iconstyle.al së fundmi ka siguruar një video ku artistja shqiptare me famë botërore shihet në një festë private për ditëlindjen e Anwar në Los Angeles, fare pranë tij. Në videon në fjalë, Dua shihet pranë modelit i cili mban tortën në dorë, teksa miqtë i këndojnë këngën e ditëlindjes.
Gjithashtu, mësohet se dyshja ka qenë së bashku në një muze në Malibu, çka ka shtuar edhe më shumë zërat se mes tyre ka nisur një romancë.
Kjo lidhje e re për artisten vjen vetëm pak pas ndarjes së saj nga modeli dhe kuzhinieri Isaac Carew, me të cilin ajo ka pasur një lidhje disa vjeçare.
Burime pranë Lipës bënë të ditur për “Prive.al” se lidhja e saj me Anwar ka nisur që në kohën kur ajo dhe Isaac ishin ende bashkë.
