Ka mjaftuar vetëm një foto që të gjithë të dyshojnë se moderatorja Orinda Huta është shtatzënë.
Orinda u martua në fund të korrikut me moderatorin e “Oktapod” Turjan Hyska, ndaj edhe pritjet për një bebush janë edhe më të mëdha për çiftin.
Por moderatorja ka mohuar gjithçka duke thënë se është efekti i fustanit me temina, me të cilin ka pozuar tek sheshi “Nënë Tereza” në Tiranë.
Në një deklaratë për revistën “Who”, Huta sqaron se nuk është shtatzënë dhe madje e ka barkun petë:
“I kam marrë komentet më shumë si urime, se në fakt është efekti i fustanit. Kur të iki në palestër të martën do t’ju provoj që ishte thjesht glitter effect.”, u shpreh ajo.
Gjithsesi Turi është shprehur se dëshirojnë një fëmijë dhe janë në “punë e sipër” për të zgjeruar familjen.
