Në oborr disa nga banorët si Einxhel, Donald, Dj Dagz, Beatrix, Sara po diskutonin për Ilirin.
Donaldi fillimisht po i thoshte Beatrix se Ilirit i vjen keq kur nuk del në “Live Show” apo “Prime” siç e quajnë banorët dhe se ai shpërthen apo krijon situata vetëm që të dal në mbrëmjen e spektaklit.
Nga ana tjetër Dj Dagz, Arbëri, rikujtoi momentin kur Fifi i tha Ilirit “balerin i dështuar” dhe se ishte vetë Iliri, i cili nuk donte të prekeshin profesionet.
“A e din sa poteren e ka bo kur i përmenden profesionin e po ai të thotë ty, Sarës e Antonelës jeni kot këtu. Ku mbet ai Iliri i djeshëm që tha se nuk done ti përmendej profesioni?”,- tha Dj Dagz.
Rikujtojmë se Iliri tha se Antonela, Einxhel dhe Sara janë “kot” sipas tij në Big Brother VIP.
Donaldi i doli kundra dhe i tha se Iliri ka qenë i pari që e ka mbrojtur Antonelën kur ka hyrë dhe tha se ajo ka vlera dhe se ka ditur t’i vlerësojë mundësitë që i ka dhënë jeta.
Iliri nuk e mohoi se e ka thënë dhe tha se është deri diku kot.
Einxhel dhe Sara i thanë se ai nuk i njeh siç duhet profesionet dhe se nuk di asgjë për to.
