Big Basta përjetoi emocionin më të madh të jetës së tij në maj 2013. Ardhja në jetë e djalit të tij Lian i dha atij statusin e të qenit prind. Emocioni më i madh dhe më i bukur që mund të ndiejë një njëri në jetën e tij. Big Basta dhe bashkëshortja e tij, këngëtarja Vesa Luma janë kujdesur të postojnë në rrjetet sociale momentet më të bukura të rritjes së vogëlushit të tyre Lian, që më 30 maj 2017 festoi ditëlindjen e tij të parë.
Çifti i njohur kishin rezervuar një festë surprizë për Lianin. Fotot i bëri publike Vesa nëpërmjet disa postimeve në “Instastory”.
Moderatori i njohur Ledion Liço u bë baba në 13 dhjetor 2016. London Noor quhet djali i Ledionit dhe një ndër trashëgimtareve të Top Channel, Sara Hoxhës. Vetëm pak ditë më parë ai ka festuar ditëlindjen e parë.
Sara dhe Ledioni kishin organizuar një festë familjare që çdo njeri do ta kishte zili.
Nga postimet e ndryshme që çifti bën në rrjetet sociale kemi kuptuar se Ledioni është një baba i përkushtuar dhe kalon shumë kohë me të birin.
Nesti Duka i njohur me emrin e artit Stine është babi i vogëlushes Estia, e cila është kopja identike e të atit. Para pak kohësh Stine ka publikuar një foto kur ai ishte i vogël dhe tregon ngjashmërinë e madhe që ka Estia me të.
Vogëlushja festoi ditëlindjen e saj të parë në 12 nëntor 2017. Në këtë ditë të rëndësishme Stine bëri një postim në “Instagram” ku i uronte ditëlindjen princeshës së tij. I organizuan një festë ditëlindjeje Estias, apo jo , këtë nuk e dimë pasi Stine nuk është treguar i hapur me fansat në rrjete sociale.
Këngëtari Alban Skënderaj është gjithashtu babi i një vajze të bukur, e cila quhet Ameli. Ajo është vajza më me fat në Shqipëri sepse çifti e surprizën në çdo moment. Ditëlindjen e saj të parë e festoi në 28 nëntor 2016 me një festë të bukur që i kishte organizuar mami dhe babi, por ditëlindja e saj më e bukur që do ta kujtojë gjithë jetën është 2-vjetori i saj.
Albani dhe Miriami më 28 nëntor 2017 publikuan këngën e tyre “Dhuratë”, e cila ishte një dedikim për princeshën e tyre Ameli, e cila ishte edhe pjesë e videoklipit.
Festën më të madhe të ditëlindjes e kishte pa diskutim djali i Sinan Hoxhës dhe Andrra Destanit. Sinani u bë baba në 25 maj 2016 dhe për ditëlindjen e parë të të voglit Ansi ata organizuan një festë madhështore.
Një festë me të ftuar miq e familjarë me të cilët ndan gëzmimin më të madh të jetës së tyre.
Robert Berisha, ndryshe nga të gjithë baballarët e tjerë ka qenë ai i pari që ka uruar vajzën e tij Renee në ditëlindjen e saj të parë, duke ia kaluar edhe mami Norës.
“Çdo ditë do ta dua atë ditë kur erdhe ti në jetë. Sot në ditëlindjen tënde të uroj të jesh gjithmonë e lumtur. Të dua shumë Renee”, ka shkruar në “Instagram” më 16 maj 2016.
Nora dhe Roberti kishin organizuar një festë madhështore për ditëlindjen e parë të vogëlushes së tyre.
