Një autoçisternë që transportonte lëndë djegëse në zonën e Borgo Panigale, në Bolonja ka shpërthyer në flakë. Mësohet se dy persona kanë humbur jetën, ndërkohë që mbi 80 të tjerë janë të plagosur si pasojë e shpërthimit. Në mesin e të plagosurve janë edhe 11 karabinierë dhe dy policë rrugorë.
Sipas informacioneve të para, autoçisterna që transportonte lëndë djegëse është përfshirë në një aksident rrugor dhe ka shpërthyer në afërsi të aeroportit të Bolonjës në Itali, pranë një pike karburanti. Edhe automjetet e tjera pranë tij u përfshirë nga flakët, duke sjellë një seri shpërthimesh zinxhirë.
Autostrada A14 në kryqëzimin midis Bolonjës dhe Casalecchio di Reno, është mbyllur, ndërsa Policia, zjarrfikësit dhe ambulancat jane ne vendngjarje.
