Këngëtarja Aurela Gaçe tregoi sesi kur ishte 23 vjeçe dhe kishte marrë famë në Tiranë, ka marrë një propozim aspak të zakonshëm për martesë. Në studion e Ermal Mamaqit ajo rrëfeu sesi një zetorist i propozoi martesë dhe i kërkoi dorën te prindërit.
“Troket dera në shtëpi. Ime motër shikon nga syri magjik dhe ngaqë nuk e njihte atë burrin, i thotë:
‘Babi nuk ndodhet këtu dhe hajde në orën 4.’-tregoi Gaçe në fillim të rrëfmit të saj.
‘Ora 4 pa 1 minutë, vjen ky.
Hap derën babi dhe ai i tha: ‘Mirëdita, unë jam ‘Koçi’.
’Ishte veshur me kostum dhe bën të hyjë brenda në shtëpi. I tha babi: ‘Një sekondë se nuk të njoh, si hyn kështu në shtëpinë e tjetrit?’- rrëfeu këngëtarja duke cituar të atin e më pas ‘Koçin’, që i kishte thënë se kishte ardhur të fliste me të ‘si burri me burrin’.
‘Del mami: ‘Çfarë do ore? Kush je ti?’ Ndërsa ky i përgjigjet: ‘Zonjë ju lutem, nuk kam ardhur të flas me ju, kam ardhur të as me këtë zotërinë këtu!’-vijoi rrëmin Aurela Gaçe duke qeshur.
Ajo tregoi sesi në këtë mënyrë zotëria kishte këmbëngulur për minuta të tëra në derën e shtëpisë së saj, derisa më në fund, e ëma e kishte pyetur: ‘Mos do nuse ti?’ Dhe Aurela vijon të tregojë të gjithë dialogun:
-Eh- i tha ai.
-Kë do, mua?!-i tha mami.
-Jo.- tha ai.
-Po kë do? Lelën (Aurelën)?
-Eh.- tha ai.
Mami e mori me të qeshur, me sportivitet, por babi e mori shumë seriozisht.
I tha: -E njeh vajzën time ti?
-E njoh, e kam parë në televizor.-i tha ai.
Aty babi flloi logjikën e ftohtë dhe i tha: -Çfarë arsimi keni ju?
8- vjeçare.- tha ai.
I thotë babi: -Më fal por çfarë pune bën?
-Zetorist.- i tha ai.
Sa më shumë ai përgjigjej qetësisht dhe i bindur për atë që kërkonte, aq më shumë acarohej babi im. Dhe imagjino të acarohet babi im, ai nuk acarohet kollaj.
I tha babi: -E di ti që vajza ime është artiste?
-E di.- i tha ai
-Po e di që vajza ime shkon në shkollë për arte?!
-E di. -Dhe ti mat hapin tënd me hapin e vajzës sime?!
Dhe ai qetësisht: -Po njeriu e hedh një hap në jetë!-rrëfeu këngëtarja duke shkaktuar të qeshura të shumta me historinë e saj
