“Last Chrismtas” është padyshim një nga këngët që na kujton në çdo moment festat e fundvitit. Pas “All I Want for Christmas” kjo është një nga këngët më të dëgjuara për Krishtlindje e Vit të Ri dhe më në fund pas 36 vitesh nga publikimi ja ka arritur qëllimit.
Deri në ditën e fundit të 2020-ës kënga mbante rekordin e shitjes së 1.9 milion kopjeve, por pa qenë asnjëherë në krye të klasifikimit britanik. Por në ditët e para të 2021-shit, vjen dhe e papritura. Falë 9.2 milion dëgjimeve online, kënga arrin objektivin e pritur prej 36 vitesh, vendin e parë në klasifikim.
Kjo nuk ishte hera e parë që kënga i afrohej vendit të parë, sepse gjatë këtyre viteve të fundit i ishte afruar kryes 6 herë, por nuk kishte arritur kurrë në vendin e parë. Megjithatë duket se tashmë qëllimi është arritur dhe pikërisht në këtë vit të vështirë kur kishim më shumë se kurrë nevojë për muzikë të mirë.
Kujtojmë se katër vjet më parë pikërisht në ditën e krishtlindjeve, u nda nga jeta George Michael, autor i këngës dhe bashkëintepretues me Andreë Ridgeley. Ky i fundit u shpreh se ndihej shumë i lumtur dhe i habitur, por dhe i vlerësuar që kënga ikonë e krishtlindjeve më në fund kishte privilegjin e të qenit numri një. Madje ai shtoi se është nderimi i drejtë dhe i merituar i gjeniut krijues George, i cili sot do të kishte qenë shumë krenar dhe i emocionuar.
