Motra e sulmuesit të Kardif, Emiliano Sala, i cili disa ditë më parë u përfshi në një aksident ajror dhe ende nuk është gjendur, ka publikuar një foto në Facebook e cila është mjaft prekëse dhe domethënëse!
Në foton në fjalë shfaqet qeni i futbollistit i cili vazhdon ta presë pronarin tek dera e shtëpisë.
“Nala po të pret gjithashtu”, shkruan motra e Emilianos.
Avioni në të cilin ishte sulmuesi argjentinas është rrëzuar mbi Kanalin Anglez dhe zhdukja e tij ka tronditur opinionin publik.
Thuhet se qeni i Emilianos ishte një nga arsyet se përse futbollisti ishte kthyer në Francë. Ai po përgatitej ta merrte qenin me vete në Uells.
Disa pjesë të avionit janë gjetur nën ujë, ndërkohë së fundmi është raportuar se një mjet nënujor ka filmuar një trup të pajetë, ende të paidentifikuar.
Kjo e fundit ka alarmuar më shumë familjarët e futbollistit.
