Birce Akalay, e njohur ndryshe për shqiptarët si “Asllë”, është zgjedhur imazhi kryesor i linjës së veshjeve të ideuar nga bashkëshortja e aktorit Kivanç Tatlitug. Menjëherë sapo ky lajm pushtoi mediat turke, nisën thashethemet se mes Birces dhe Kivanç ka pasur një histori dashurie në të kaluarën.
“Birce Akalay do të jetë imazhi i stilistes Basak Dizer, e cila është bashkëshortja e Kivanç Tatlitug, ky i fundit është ish i dashuri i Birce Akalay”,- shkruhej në mediat turke, raporton revista “Who”.
Por lajmi ka irrituar jo pak “Asllën”, e cila ka reaguar menjëherë, duke paralajmëruar se do të ndërmarrë masa ligjore për ata që shkruajnë këto të pavërteta.
“Shumë e dashura Basak Dizer Tatlitug, nuk ka asnjë të shkuar mes meje dhe Kivanç Tatlitug, lajmet nuk janë të vërteta. Do të merren masat ligjore sa më shpejt që të jetë e mundur. Nuk është etike që të shpërndani këto lloje lajmesh para kamerave,”- shkruan Birce Akalay në postimin që i drejtohet bashkëshortes së aktorit Kivanç Tatlitug.
