Pak muaj para se të ndaheshin, Angelina Jolie realizoi një tatuazh së bashku me bashkëshortin e saj Brad Pitt, një tatuazh që do të forconte lidhjen e tyre, por që nuk e bëri.
Aktorja e njohur njihet për dashurinë e saj ndaj artit të ndërlikuar të trupit, duke bërë mbi 15 tatuazhe, që adoleshente.
Së fundmi janë publikuar disa fotografi ku Angelina shfaqet me një murg Ajarn Noo Kanpai dhe burrin e saj Brad Pitt në Siem Reap në Kamboxhia.
Aktorja e Hollywood-it, e cila në atë kohë po drejtonte filmin e saj për Netflix “First they killed my father”, në atë vend, kishte takuar artistin nga Bangkok, për të bërë tatuazhin simbolik për të dhe Brad në shkurt 2016.
Aktorja kishte zgjedhur një metodë të lashtë, duke përdorur shufra çeliku të montuara me një gjilpërë çeliku kirurgjikale, që konsiderohet të jetë më e dhimbshme, por më të sakta për një tatuazh në lëkurë.
Gjatë vizitës, Brad gjithashtu bëri një tatuazh në anën e majtë të barkut me një simbol budist, para se çifti të ndahej në muajin shtator.
Edhe pse është ironike, tatuazhi nënkuptonte një lidhje simbolike burrë e grua, por martesa e tyre nuk i rezistoi testit të kohës.
