Nëse mendonit se në krahasim me “Facebook”, në Instagram do të ishit më të mbrojtur, bëni kujdes.
Instagrami po teston një opsion të ri që është i ngjashëm me ‘Last Seen’ në WhatsApp dhe ‘Active’ në Facebook Messenger. Mund të shihet kur je online, duke hyrë në seksionin e mesazheve, ku tregohet hera e fundit që përdoruesi ka qenë aktiv.
Funksioni është aktualisht i disponueshëm vetëm për disa përdorues të përzgjedhur, që kanë Android dhe iOS. Megjithatë ai mund të bëhet i aksesueshëm për të gjithë.
Kjo do të thotë se, çdo njeri apo faqe që e ndiqni dhe ju ndjek në Instagram do të shikojë se kur keni qenë aktiv për herë të fundit. Mund t’ju duket e tmerrshme por edhe te mesazhet e Instagram-it, njerëzit do t’ju monitorojnë nëse keni bërë sikur nuk i keni parë.
Për të shmangur këtë gjë atëherë duhet t’i bëni një editim profilit dhe të bëni “Off” opsionin “Show Activity Status”.
