Ndryshe nga të famshmet e Hollivudit që kanë mundësi të punësojnë make-up artistët më të mirë për t’u dukur bukur, jo të gjitha femrat e njohura shqiptare, e kanë këtë mundësi.
Në pjesën më të madhe të kohës, ato i përkushtohen vetë bukurisë së tyre dhe kujdesen që të kenë një look të mirë në publik. Megjithatë ky kujdes nuk lidhet vetëm me mundësitë finaciare apo kohën që ke në dispozicion.
Ka nga ato të famshme që kujdesen vetë për makijazhin e tyre, sepse ju pëlqen ajo që bëjnë me duart e tyre. “Nëse do diçka të bëhet ashtu siç duhet, më mirë bëje vetë”, është motoja që u shkon përshtat disa prej femrave më të njohura shqiptare, të cilat mund t’i shihni më poshtë:
Aurela Gaçe është një ndër këngëtaret që është krenare me rezultatin e duarve të saj. Shpesh herë në fotot që publikon në Instagram, ajo falënderon veten për makijazhin dhe me të drejtë. Më poshtë mund të shihni rezultatin: A nuk është një profesioniste?!
Pak kohë më parë, bukuroshja kosovare, Rita Ora i ka ndihmuar fanset e saj duke u treguar përmes një video-tutorial, sesi të bëjnë makijazhin dhe flokët për një natë jashtë. Brenda dhomës së saj në ngjyrë të bardhë në Browery Hotel, 27-vjeçarja tregoi se si transformohet për një mbrëmje në New York City.
Edhe moderatorja bukuroshe Luana Vjollca, i kushton një vëmendje të madhe paraqitjes. Në kohën kur nuk i duhet të dalë në televizion, ajo e realizon vetë grimin dhe flokët. Pak kohë më parë kur ishte në Luzern të Zvicrës, Luana tregoi sesi e bëri vetë grimin dhe rregullimin e flokëve për koncert, për të cilën ndihej krenare.
Edhe këngëtarja shqiptare nga Maqedonia, Adelina Tahiri ka postuar foto në rrjetet sociale ku tregon se si kujdeset për veten. Në llogarinë e saj në Twitter, bukuroshja nga Shkupi bashkë me foton bën edhe një koment të shkurtër “Gati”, por pa sqaruar asgjë më tej. Ndoshta Adelina ka qenë duke dalë në ato momente dhe nuk ka besuar te askush për makijazhin, përveç dorës së saj.
Blogerja e njohur Estela Ujka, ka rrëfyer gjatë një intervistë për Iconstyle.al se makijazhin dhe flokët i bën vetë. Ajo i beson dorës së saj edhe kur ka evente të rëndësishme për të marrë pjesë, apo foto profesionale për të realizuar.
