Kur keni për të bërë një fluturim të gjatë, mund të jetë joshëse që të provoni të flini sapo të hyni në avion.
Por në të vërtetë, ka një arsye të habitshme pse duhet të luftoni me gjumin derisa avioni të zbres në destinacion dhe shenja e rripit të sigurimit të fiket, dhe nuk ka të bëjë fare me sigurinë.
Në të vërtetë nuk është ideale të flesh gjatë ngritjes ose uljes, për shkak të ndryshimit të presionit të ajrit. Kur jeni duke fjetur, mund të pengoni aftësinë e trupit tuaj për të përshtatur presionin e ri dhe mund të dëmtoni tamburin e veshit tuaj, pasi nuk jeni zgjuar për t’u përgatitur siç duhet.
Farmacisti britanik Angela Chalmers shpjegon: “Një ndryshim i shpejtë në lartësi ndikon në presionin e ajrit në vesh, gjë që çon në vakum në tubat e quajtura “Eustachian”, që i bën veshët të ndihen të bllokuar. Mundohuni të mos flini gjatë ngritjes dhe zbritjes pasi nuk do të mund të gëlltitni aq shpesh dhe kjo mund të çojë në bllokimin e veshëve”.
Kjo është arsyeja pse pasagjerëve u jepen ushqime dhe pije gjatë fluturimit, për t’i mbajtur zgjuar dhe për të mundur të gëlltitin.
Burimi: Cosmopolitan
