Kohët e fundit jemi aq shumë të fiksuar me vetullat, saqë është një prej tipareve që po theksohet më shumë me tatuazhet “Microblading” (lexo këtu) apo dhe makijazhin.
Por përveç funksionit që kanë si një kornizë që u jep formë syve, ato gjithashtu kanë aftësinë për të transformuar plotësisht fytyrën. Nëse nuk besoni lexoni si dukeshin të famshmet me vetulla të holla (këtu).
Por a e dini në të vërtetë se përse njerëzit kanë vetulla?
Sipas një studimi të botuar në Revistën e Natyrës, Ekologjisë dhe Evolucionit, vetullat na ndihmojnë në jetën tonë shoqërore.
Në fillim mendohej se kocka e vetullave ndihmon në mbrojtjen e trurit nga hapësira ku syri dhe kafka takohen. Një tjetër sugjerim ishte se kocka që ndodhet poshtë vetullës e mban kokën të qëndrueshme gjatë kohës që jemi duke përtypur ushqim.
Por studimi i ri i hedh poshtë këto teori të lashta dhe argumenton se kocka poshtë vetullës ka qenë më e madhe në kohët e lashta dhe ka pothuajse zero ndikim në procesin e përtypjes.
Plus, fakti që ne njerëzit modernë kemi më shumë lëvizshmëri te vetullat, tregon se ato kanë një qëllim tjetër: komunikimin.
Ideja është që vetullat na ndihmojnë të shprehim më mirë veten, që do të thotë se mund të zhvillojmë një lidhje më të afërt në rrjetin tonë shoqëror.
Burimi: Cosmopolitan
