Dashuria e Vera Grabockës për ekranin duket se ka nisur shumë herët.
Regjisorja dhe producentja e njohur ka qënë pjesë e kastit të aktorevë në një film shqiptar. “Xing. al” shkruan se në moshën 19-vjeçare, Grabocka ka luajtur në filmin “Montatorja”, film ky i prodhur në vitin 1970.
Vera luan rolin e mikeshës së ngushtë të personazhit kryesor me emrin Hëna, e cila dëshiron të bëhet montatore.
Në një fragment të filmit, Grabocka shfaqet me një shami në kokë ndërsa në një pjesë tjetër me flokët e zeza të kapura bisht.
Vera Grabocka është regjisore e producente e njohur për formatet e suksesshme të sjella për publikun shqiptar si “Dance With Me”, “X Factor”, “Your Face Sounds Familiar” apo dhe “Në Kurthin e Piter Pan”.
