Këngëtari i njohur grek Notis Sfakianakis është arrestuar mbrëmjen e sotme në periferi të Athinës, pasi gjatë kontrollit në makinë iu gjet 2 gr kokainë dhe një pistoletë. Sipas mediave greke arrestimi i artistit u bë rreth orës 20:00, kur policia gjatë kontrolleve për masat anti covid ndaloi rastësisht një makinë luksoze, pa e ditur që ishte këngëtari.
“Unë i kam për sigurinë time,” mësohet se i ka thënë Notis Sfakianakis, i cili është treguar plotësisht bashkëpunues me policinë. Ai u dërgua në Departamentin e Sigurisë Argyroupoli – Elliniko, ku u zbulua se armën që zotëronte e kishte pa leje.
Artisti i njohur grek përballet me akuzën e posedimit të lëndëve narkotike dhe armëmbajtje pa leje.
Kujtojmë se 2 vite më parë, Notis vizitoi edhe Shqipërinë, pasi mbajti njnë koncert në kryeyqtet në Pallatin e Kongreseve.
