Një tjetër rast tragjik është shënuar gjatë orëve të mesnatës në spitalin Covid-2, Shefqet Ndroqi. Një 60-vjeçar nga Rrësheni është hedhur nga kati i tretë i spitalit dhe ka ndërruar jetë në vend.
Burime për “News24” kanë bërë të ditur se 60-vjeçari me iniciale L.S ka qenë i shtruar në spital prej 10 ditësh dhe kurohej nga Covid-19. Është mësuar se gjendja e tij shëndetësore është agravuar, ndaj ai ka ndërmarrë aktin ekstrem duke i dhënë fund jetës. I ndjeri ka ndërruar jetë në orën 00:30, gjatë kohës që ka pasur një lëvizje më të reduktuar të mjekëve dhe infermierëve.
Kjo është hera e 5 që një pacient hidhet nga spitalet Covid dhe ndërron jetë. Para pak kohësh ka pasur 2 viktima të tjera tek “Shefqet Ndroqi” dhe 2 tek “Infektivi”.
