Dita e djeshme u shoqërua me trazira dhe protesta për shkak të zgjedhjes së kryeprokurores Arta Marku. Përplasje fizike jo vetëm brenda parlamentit, por edhe jashtë tij.
Në tentativë për të thyer kordonin e policisë dhe për të hyrë brenda parlamentit pati shumë përleshje dhe disa protestues u shoqëruan edhe në polici. Midis tyre ishte edhe babi i reperit të njohur Stresit, Sali Lushaj. Këtë na e ka bërë të ditur Stresi nëpërmjet në një postimi në “Instagram”, të cilin pak më vonë është kujdesur që ta fshijë.
“U bëj thirrje drejtorëve të përgjithshëm të Tiranës si dhe ministrit të rendit që është pa sens shoqërimi i babait tim në polici. Ne do të jemi në çdo protestë të Partisë Demokratike. Poshtë Enveristët e Modernizuar!”, ka shkruar Stresi në postimin që e ka fshirë më pas.
Gjithashtu Stresi ka bërë një prononcim edhe për “News24”.
“Po na sulmojnë politikisht, pasi ai nuk ka bërë gjë. Babin tim e kanë shoqëruar vetëm e vetëm se ka marrë pjesë në një protestë të ligjshme,”, tha Stresi për “News 24”.
