Kur themi arma e fshehtë, nuk e kemi fjalën për ndonjë truk. Por për një person. Jenke Ahmed Tailly është një nga stilistët më me shumë ndikim në ditët e sotme. Pavarësisht kësaj, me shumë gjasa ju nuk do të keni dëgjuar asnjëherë për të. Dhe në fakt kjo është një arsye të cilën vetë ai e pëlqen shumë.
“Më pëlqen të bëj punën time në heshtje”, thotë Tailly, një redaktor mode, stilist, dhe konsulent i cili punon me Kanye West, Beyonce, dhe më së fundi me Kim Kardashian.
“Nuk dua ta nxjerrë veten time në krye”, thotë ai për “Elle”. Në një kohë kur stilistët promovojnë punën e tyre me artistët, në fakt me Tailly-n ndodh komplet e kundërta.
“Unë i jam bashkuar “Instagram”-it kohët e fundit. Të gjithë miqtë e mi vetëm më “bërtasin”, sepse nuk kam postuar asgjë nga puna ime dhe nuk pranoj kërkesat e njerëzve për të më ndjekur”, thotë stilisti.
Ai tregon se bashkëpunimi me Beyonce lindi kur “L’Officiel Paris” i kërkoi që ta ndihmonte me stilin dhe krijimin e një ideje për botimin e 90-vjetorit. “Unë doja të vendosja një vajzë me ngjyrë në kopertinë dhe mes Halle Berry-it or Beyonce-s, unë zgjodha këngëtaren”, rrëfen Tailly.
Pasioni i tij për të treguar bukuritë e ndryshme, si dhe për krijime të forta, impresionuan Beyonce-n, e cila i kërkoi që të bëhej drejtori i saj kreativ. “Ajo po ndihej e natyrshme, ndërsa unë doja vetëm që të realizoja një foto të bukur”, pohon stilisti. Në fakt ata të dy bashkëpunuan për tre vite deri në albumin e saj të katërt, derisa u shkëputën miqësisht: “Ne jemi ende miq, por unë doja të punoja sërish i pavarur”.
Gjatë pozicionit të tij në stafin e Beyonce-s ai u takua dhe “ra në dashuri” me klientët e tij të ardhshëm Kanye West dhe më vonë me gruan e tij, Kim Kardashian. “Kam filluar të punoj me të pasi u takuam dhe kuptova se është një person shumë i bukur. Jo vetëm fizikisht, por edhe në brendësi, për vlerat dhe etikën në punë”, tregon stilisti Tailly.
