Ardit Gjebrea ka drejtuar gjithmonë spektakle argëtuese, por pavarësisht formateve ai ka mbajtur përherë një qendrim mjaft serioz duke ju dhënë peshën e duhur gjithë projekteve. Mirëpo sot si kurrë më parë atij i ka dalë situata nga kontrolli në programin “E diela shqiptare”.
Në rubrikën “Shihemi në gjyq” ishin të ftuar dy zotërinj që kishin probleme pronësie. Njëri prej tyre, Hairiu e ka bërë Arditin të qeshë me të madhe për shkak të mënyrës si fliste dhe çfarë thoshte. Moderatorit nuk i kishte ndodhur diçka e tillë në 9 vite drejtim të emisionit të tij, ndaj u detyrua të kërkonte edhe falje tek publiku.
“Me paratë e tij unë mbylla hallet e mia”, tha Hairiu ndërsa Arditi ja plasi të qeshurës.
“Po hallet e tij kush i lan?”, iu drejtua Eni Çobani.
“Tani hallet e tij i mbyll ajo toka që është në vend, burri luan, toka nuk luan. Sa ka ngrënë ajo tokë dhe do hajë”, u përgjigj Hairiu duke shkaktuar sërish të qeshura në studio.
Më pas Arditi u detyrua të ndërpriste programin për publicitet dhe i kërkoi falje teleshikuesve.
“Kërkoj ndjesë pafund. Ju kërkoj ndjesë. Nuk më ka ndodhur në 9 vite që jemi bashkë”, u shpreh Arditi pas situatës.
