Mbrëmjen e sotme do të transmetohet për herë të fundit për këtë sezon emisioni “Dua të të bëj të lumtur” dhe regjisori Eduart Grishaj ka bërë një dedikim të veçantë për të dashurën e përfolur Arbana Osmani në Instagram.
“Sonte ulim siparin e këtij sezoni, do rikthehemi edhe më të fortë. Arbana ti je emisioni dhe suksesi. Faleminderit të gjithëve!”
Ndërkohë “dozat e romancës” kanë qenë më shumë të pranishme në komentin e Arbanës: “Sa me fat jam që të kam!”
Arbana Osmani dhe Eduart Grishaj prej kohësh i bëjnë njëri-tjetrit dedikime në rrjetet sociale, ndërkohë rikujtojmë se moderatorja ende nuk e ka konfirmuar publikisht as divorcin, as lidhjen e re.
