Këngëtarja Anxhela Peristeri ka folur për herë të parë për një lidhje shumë të shtrenjtë për të që tashmë ka mbaruar. Në fakt bëhet fjalë për lidhjen e saj me ushqimet fast food, ëmbëlsirat apo pijet me gaz, nga të cilat këngëtarja duket se ka hequr dorë.
Ajo ka publikuar shpesh statuse në profilet e saj në rrjete sociale, kundra njerëzve që ndërhynin në jetën e saj personale. Dhe këtë herë, ka vënë në lojë të gjithë ndjekësit e saj për të thënë që lidhja e saj kishte përfunduar dhe se ndihej e lënduar, por preferonte t’a bënte vetë publike diçka të tillë përpara se të flisnin të tjerët.
Më poshtë ajo sqaron se bëhet fjalë për lidhjen me ushqimet, po gjithsesi statusi i këngëtares ka tërhequr mjaft vëmendjen, e mesa duket ajo ja ka “arritur” qëllimit.
