Pas largimit nga Parisi me avion privat, Kim Kardashian mbërriti në Nju-Jork shëndoshë e mirë. Megjithatë incidenti që ndodhi në apartamentin e saj në kryeqytetin francez, ku pesë persona të armatosur e tërhoqën zvarrë dhe e lidhën në banjo për t’i marrë të gjitha bizhuteritë, e ka lënë yllin e showbiz-it të terrorizuar.
Kanye West braktisi menjëherë koncertin e tij pas incidentit që i ndodhi bashkëshortes. Një burim pranë tij ka thënë për “People” që Kim ishte e terrorizuar. Ajo i fliste si histerike atij.
“Ai ka thënë që Kim ishte shumë e shqetësuar dhe iu deshën disa sekonda të kuptonte çfarë po i thoshte. Ai donte të shkonte te ajo sa më shpejt të mundej. Kanye i tha Kim-it që nuk donte t’ia dinte për bizhuteritë, ishte thjesht shumë mirënjohës që ajo ishte mirë”.
Tani ata janë bashkë ndërsa policia po merret me grabitjen që mund të jetë në vlerën e mbi 11 milionë dollarëve.
