Pink shtyu koncertin e programuar për këtë mbrëmje në Sydney, pasi tha se ishte e sëmurë dhe e kishte të pamundur të ngjitej në skenë. Mirëpo nuk vonoi shumë dhe paparacët zbuluan se ajo ndodhej buzë detit duke u relaksuar me vajzën e saj. Menjëherë fansat shpërthyen në kritika se Pink kishte gënjyer për të kaluar një ditë pushimi me familjen, ndërkohë që ata kishin paguar për koncertin.
Nëna e dy fëmijëve në një postim të gjatë në profilin e saj në “Instagram” u përgjigj se dita në plazh ishte sugjeruar nga mjekët e saj dhe se fotot e paparacit nuk tregojnë vizitat e bëra tek mjeku, antibiotikët, sprein për hundët, të qarat e djalit në mes të natës dhe tmerrin që po përjeton e vogla e saj.
Pasi lexoi shkrimin e Pink, Timberlake i doli në mbrotje këngëtares ku theksonte se është tejet e vështirë të jesh nënë për dy fëmijë dhe të argëtosh mijëra fansa. Sipas tij, Pink është një ndër këngëtaret më punëtore që ia ka arritur t’i bëjë të gjitha, ndaj edhe ajo ka nevojë të marrë frymë.
