Prej 4 ditësh, kreu i Partisë Agrare Ambientaliste, Agron Duka së bashku me 270 pasagjerë është bllokuar në Gjermani, pasi kompania e udhëtimit pezulloi fluturimin.
Në një lidhje telefonike me “News24” Duka deklaroi se kishte shkuar në Gjermani për një punë, por sot krejt parapritur dhe pa njoftuar, kompania kishte vendosur të anulonte udhëtimin për në orën 7:25 të mëngjesit.
Kjo bëri që 270 pasagjerë të bllokohen në aeroport dhe tani askush nuk mund të kontaktojë me kompaninë e udhëtimit e cila ka mbyllur numrat e telefonit.
“Kam nja katër ditë këtu. Nuk është problemi se janë anuluar fluturimet. Avioni nisej në 7:25, u bë chek-ini. Po kompania ka anuluar fluturimin. Jam folur dhe me ambasadorin Kuko, i cili u angazhua dhe me rezulton se nuk ka mbyllje të fluturimeve. Por kjo kompania, që është low cost, edhe pse ishte i mbushur ky avion, ka anuluar fluturimin dhe ka mbyllur dhe telefonat. 270 pasagjerë ndodhen këtu. Ishte linjë direkte për Tiranë. Ishte i planifikuar. Ky ishte një nga aeroportet që udhëtonte. Kjo është çudi. Kjo kompani ka mbyllur telefonin dhe nuk mund të kontaktojë njeri. Këtë ngërç e ka krijuar kompania”, tha Duka.
