Anna ka pritur ditëlindjen në mesnatë pranë njerëzve të dashur.
Familja Gjebrea u mblodh për ta surprizuar vogëlushen, e cila mbush sot 11 vjeç.
Ka qenë Arditi ai i cili ka publikuar një video nga momenti i surprizës në Instagram.
“Gëzuar ditëlindjen zemra ime”, shkruan moderatori.
Anna shfaqet pas tortës së saj gjigante që mban qirinjtë me numrin 11, ndërsa në sfond dëgjohet kënga e ditëlindjes.
Pjesë e festës është bërë edhe mjeku pediatër Aurel Vula, i cili është mik i familjes dhe ishte aty për t’u kujdesur për Anna-n e vogël që ishte me temperaturë.
Pranë Anna-s ndodhet edhe vëllai Joni, i cili ndodhet prej disa javësh në Shqipëri pas kthimit nga Shtetet e Bashkuara me partneren e tij Merlin.
Mami Anila ndodhet gjithashtu pranë, për t’i dhuruar vetëm puthje vajzës së saj që po rritet dita ditës.
I urojmë Anna-s edhe shumë vite të lumtura!
https://www.instagram.com/p/B7wtlrBnce1/
