Angelina Jolie është shfaqur publikisht për herë të parë që prej divorcit dhe ka regjistruar një video mesazh për Gjykatën Penale Ndërkombëtare të premten. Videoja është shpërndarë në Twitter ku aktorja e njohur shfaqej shumë e qetë, shumë pak e grimuar dhe më në formë se kurrë.
“Suksesi i Prokurorisë dhe standardi i ri ligjor tregojnë qartë përpjekjet e gjata dhe jetësore të gjeneratave. Kjo është politika e re e gjykatës të cilën unë e mendoj të përshtatshme. Unë veçanërisht mirëpres përfshirjen e akuzave për krimet ndaj fëmijëve pavarësisht nëse provat tregojnë apo jo ngacmim sistematik ndaj fëmijës. E përgëzoj zyrën e kryeprokurorit dhe të gjitha ata që punojnë mbi këto politika. Njerëzimi i detyrohet fëmijëve. Ne e dimë që nuk po bëjmë më të mirën e mundshme. Nuk mund të ketë drejtësi të plotë pa amrrë parasysh viktimat e krimeve të luftës apo ndihmën praktike që u duhet atyre për të ecur përpara dhe të kalojnë gjithçka kanë vuajtur”, është shprehur aktorja.
