Angela Merkel zgjidhet “Personi i Vitit” nga “Time”

Përrallat quhen kur ju shkoni në kërkimin e tyre, por çdo gjë duket se fillon në pyllin e errët gjerman, ku Angela Merkel kaloi fëmijërinë e saj. Vajza që do të rritej dhe do të quhej garuaja më e fuqishme në botë, erdhi nga një vend me pyje që ledhatohej nga dielli verior dhe ndiqej nga hijet e pishave të gjata.

E në fakt ka shumë arsye pse revista “Time” zgjodhi kancelaren gjermane Angela Merkel si “Personi i Vitit” për 2015-n. Prestigjiozja përmend si faktorë rolin e saj udhëheqës për krizën e refugjatëve nga Siria, në marrëveshjen e shpëtimit për Greqinë, tek çështja e Euros në Bashkimin Evropian dhe tek ndërhyrja ruse në Ukrainë.

Revista thotë se zonja Merkel “mori iniciativën” sa herë që Evropa u përball me një krizë serioze. Po ashtu në argumentimin e revistës thuhet se pjesa më e madhe e botës është e angazhuar në një debat për balancën mes sigurisë dhe lirisë dhe zonja Merkeln po i kërkon Gjermanisë dhe botës që të besojnë se civilizimet e mëdha ndërtojnë ura jo mure dhe se luftrat nuk fitohet vetëm në sheshin e luftës, por edhe jashtë tij.

Kryeredaktorja e revistës “Time”, Nancy Gibbs shkruante sot se “prova për udhëheqësit është kur njerëzit nuk duan t’i ndjekin” dhe zonja Merkel ofron “një udhëheqje të palëkundur morale në një botë ku një cilësi e tillë nuk haset shpesh”.

Marrja e këtij titulli nga revista “Time”, e bën Merkel gruan e parë pas 29 vitesh që vendoset në kopertinën e prestigjiozes. Fotografitë tregojnë disa nga arsyet se pse Merkel duhet të zgjidhej këtë vit si “Personi i Vitit”, ndërsa na tregojnë edhe pak nga fëmijëria e kancelares gjermane.