Kolesteroli
Kur jeni 20 vjeç, kontrolli i kolesterolit tuaj çdo pesë vjet është i nevojshëm. Mënyra e veprimit është mjaft e thjeshtë; pasi të rrini 12 orë pa ngrënë e pa pirë, ju bëni analizat e gjakut që masin kolesterolin e përgjithshëm. Disa nga analizat e nevojshme për kolesterolin janë:
LDL (low-density lipoprotein) (lipoproteinë me dëndësi të ulët) kolesterol “i dëmshëm”, HDL(high-density lipoprotein) (lipoproteinë me dëndësi të lartë) kolesterol “i dobishëm”, trigliceridet (përbërësit kryesorë të acideve yndyrore).
Çdo tre deri në pesë vjet-Kontroll në mitër
Analiza për të zbuluar kancerin në qafën e mitrës; megjithëse analizat për çdo vit për kancerin në qafën e mitrës janë normale, sipas Kolegjit Amerikan të Mjekëve Obstetër dhe të Mjekëve Gjinekologë, shumica e grave nga mosha 21 deri 65 mund të presin tre deri në pesë vjet ndërmjet analizave për kancerin në qafën e mitrës, për sa kohë që rezultatet janë normale.
Çdo tre vjet – Kontrolli i gjirit
Kontrolli i gjirit i kryer nga një mjek, është një masë e rëndësishme parandaluese që duhet të merret për të ulur rrezikun e kancerit të gjirit. Sipas Shoqatës Amerikane të Kancerit, gratë 20 deri 30 vjeçe duhet të bëjnë një kontroll klinik të gjirit (clinical breast exam) (CBE) në çdo tre vjet.
Megjithëse shumica e grave nuk e kanë të domosdoshme që të fillojnë të shkojnë çdo vit për të bërë mamografi (një teknikë që përdor rrezet X për të diagnostikuar dhe për të gjetur vendndodhjen e tumoreve të gjirit) deri në të dyzetat, ACA (American Cancer Association) (Organizata Amerikane kundër Kancerit) gjithashtu rekomandon që ekzaminimet me mamografi të bëhen herët për gratë që kanë farefis të gradës së parë që ka kancer të gjirit.
Çdo dy vjet- Kontrolli i syve
Shoqata Amerikane e Mjekëve Okulistë rekomandon kontroll të syrit çdo dy vjet. Ju do të bëni një seri kontrollesh të shikimit për të vlerësuar nëse ju keni nevojë për syze dhe gjithashtu të kontrollohet që sytë tuaj të jenë në formë të mirë.
Çdo vit- Tensioni i gjakut
Kontrolli çdo vit i tensionit tuaj të gjakut është një domosdoshmëri. Fatmirësisht, ju nuk duhet të shkoni tek doktori sa herë që e keni të nevojshme. Kërkoni për mundësinë e ekzaminimit në zonën tuaj ku banoni zakonisht ose përdorni makina të automatizuara në ndonjë farmaci në lagjen tuaj. Tensioni i lartë i gjakut – gjithashtu i njohur si hipertension – është 140/90 ose më shumë. Tensioni normal i gjakut për një të rritur duhet të jetë poshtë vlerave 120/80.
Kontrolli i dhëmbëve
Mund të mos ju pëlqejë të shkoni për kontroll te dentisti, por të qenit të rregullt me këto kontrolle është e nevojshme për shëndetin tuaj në një periudhë afatgjatë. Sigurohuni që ju të bëni një pastrim të plotë dhe kontroll të dhëmbëve çdo gjashtë muaj deri një herë në vit.
Analiza e STI (sexually trasmitted infection) (infeksion i transmetuar seksualisht)
Për gratë aktive seksualisht rreth të njëzetave, nëse gratë janë në një lidhje monogamike ose jo duhet të mos ndikohen në lidhje me faktin se sa shpesh e bëjnë analizën për STI(sexually trasmitted infection)(infeksion i transmetuar seksualisht).
Një ekzaminim mjekësor në zonën e legenit do të përcaktojë nëse infeksioni Klamidia është i pranishëm, dhe të dhëna të tjera për sa i përket gjakut për STI (Sexually transmitted infection)(infeksione të transmetuara seksualisht) të tjera.
Çdo muaj- Vetëkontrolli i gjirit
Ndërsa disa grupe të mjekësisë pretendojnë se vetëkontrollet e gjirit nuk janë më të nevojshme, shume gra kanë zgjedhur ta vazhdojnë me këtë praktikë.
Nëse ju nuk jeni e sigurt si të bëni një vetëkontroll të gjirit tashmë, mësoni udhëzimet, dhe të mësoheni se si ndihen në prekje dhe si duken gjinjte tuaj. Ekzaminimi në vetvete nuk do ta ulë rrezikun tuaj, por bërja e këtij ekzaminimi rregullisht ju vendos ju në pozicionin më të mirë për të parë ndonjë shenjë ose anomali në fazat më të hershme.
Vetëkontroll i lëkurës
Nëse ju keni tendencë për njolla të shkaktuara nga dielli ose nishane, ju mund ta keni të domosdoshme të shkoni te dermatologu juaj më rregullisht.
