Mbase për disa njerëz nuk do të thotë asgjë, por për disa të tjerë ky është një problem i madh dhe e kemi fjalën për kokrrizat e lëkurës që ndryshe i quajmë edhe “lëkurë mish pule”.
Kjo gjendje aspak estetike e lëkurës mund të shfaqet në krahë, kofshë ,madje edhe në faqe, por akoma shumë njerëz pyesin veten: “Përse më ndodh”?
Sipas estetistes së famshme Renée Rouleau, kjo gjendje ndodh kur qelizat e lëkurës së vdekur dhe një proteinë e quajtur keratinë bllokojnë folikulat e qimeve.
“Këto janë gunga të vogla të kuqe ose të bardha që përsëriten duke u bërë të zakonshme dhe krejtësisht të padëmshme,” – shkruan estetistja e njohur.
Gjenetika duket se luan një rol në formimin e “mishit të pulës”, veçanërisht për ata me lëkurë të bardhë dhe të pastër, por ka shumë gjasa të zhduket nga mesi i të 30-ave.
Mbase mund t’ju mërzitë pak fakti se kurrë nuk do të mund t’a hiqni qafe tërësisht, por gjendja mund të përmirësohet me kalimin e kohës.
“Lëkura e mishit të pulës” tenton të pastrohet nga pushimet në plazh dhe mbajtja e lëkurës së hidratuar ndihmon në përmirësimin e saj.”-shprehet Rouleau.
Por si mund ta trajtoni “lëkurën e mishit të pulës”?
Përdorni scrub trupi dhe fërkojeni lehtë me dorashka të buta çdo ditë zonën ku ju bëhen kokrriza.
Dorashkat mund t’i blini në çdo supermarket, por scrubi duhet të jetë me acid salicilik dhe mund ta acarojë pak lëkurën në seancën e parë, por mos e lini pa e bërë sërish.
Pasi të jeni larë dhe keni hequr shtresat e acidit salicilik, përdorni një krem hidratues që mund të jetë edhe ai i fytyrës dhe shumë shpejt lëkura juaj do të jetë më e hidratuar dhe më me pak kokrriza.
Burimi:Byrdie.co.uk
