Albi Nako ishte sot i ftuar tek “Rudina” për të folur për akademinë e tij të kërcimit.
Megjithatë, pas gjithë aludimeve të muajve të fundit, Rudina Magjistari s’mundi të mos i dedikonte një pjesë të mirë edhe pyetjeve për raportin me të.
Albi Nako sigurisht nuk e pohoi lidhjen me balerinën në asnjë moment, por nga ana tjetër as nuk e mohoi duke thënë një përgjigje mjaft evazive:
“Di të them se jemi miq të mirë, bashkëpunëtorë të mirë dhe marrëdhënia vazhdon po njësoj. Pjesa tjetër, nuk do doja të merrte vëmendjen nga akademia, për të cilën jemi këtu.”
Muajin e kaluar, mediat vunë re se ata nuk e ndjekin më njëri- tjetrin në Instagram. Kjo, u kuptua si shenjë e shkëputjes së marrëdhënies mes balerinës dhe koreografit. Por në fakt, Albi u shpreh se ky ishte një vendim i marrë bashkërisht si një mënyrë për të evituar problemet.
“Ai ishte një pakt që e bëmë bashkë me Albën, të mos e ndiqnim më njëri- tjetrin sepse po i merrnim fansat nga njëri- tjetri.”
Albi foli edhe për një tjetër çështje shumë të diskutuar, atë se është ndarë nga Alba për shkak se prindërit e tij nuk e aprovojnë lidhjen me të.
“M’u duk pak qesharake. Për jetën time s’mund të vendosin prindërit. Unë mund të isha prind vetë, jam mjaftueshëm i rritur.”
