Nga të gjitha daljet e tij publike, Albano Bogdo për herë të parë është shfaqur më serioz dhe i pjekur se kurrë, për të folur për familjen e tij dhe prindërit e divorcuar.
I ftuar në programin e Turi Hyskës në Vizion Plus, Bogdo foli edhe për të kaluarën e tij mes varfërisë. Bogdo është djali i dy prindërve të ndarë dhe pyetjes së Hyskës nëse ia kishte thënë gjithçka të atit pasi ai i kishte braktisur, Albano tha që e kishte bërë të ndihej keq, por e kuptonte që babai nuk ishte fajtor, sepse kishte rënë në dashuri me gruan tjetër.
“Prindërit e mi ishin të martuar, por im atë u dashurua me një grua tjetër. Ndoshta gabimi i tij është vetëm te mënyra si e la mamanë time, kur mund të kishin biseduar më shumë, por në atë kohë edhe martesat bëheshin pa shumë dialog dhe divorci konceptohej ndryshe”, ka thënë ai me një pjekuri të admirueshme.
Një dashuri nuk mund të zgjasë 50 vjet, sipas Albanos, që mendonte që në martesa vetëm një pjesë e jetës është dashuri, por pastaj mbetet vetëm një ndjenjë e ngjashme me miqësinë, ndërsa për t’u bërë baba ende nuk e kishte menduar, sepse nuk i duronte dot fëmijët në vitin e parë të jetës që qajnë dhe nuk të thonë çfarë kanë.
