Princ Leka I dhe Elia Zaharia kanë lidhur kurorë në një ceremoni madhështore me 800 të ftuar. Momentet e para të çiftit duke u puthur kanë nisur të shpërndahen masivisht në rrjetet sociale, si pjesë e këtij eventi të veçantë për çiftin, i cili është sot në qendër të vëmendjes së gjithë botës.
Fotot janë shkëputur nga momenti i veçantë kur çifti doli të përshëndesë të gjithë të ftuarit, nga salla e fronit ku u zhvillua celebrimi. Elia Zaharia u shoqërua nga Princi drejt altarit, të rrethuar nga të ftuarit e shumtë. Përpara celebrimit zyrtar, çifti mori bekimin e 5 përfaqësuesve të besimeve fetare në Shqipëri, duke pasqyruar edhe njëherë harmoninë fetare të vendit tonë.
Elia dukej shumë bukur me fustanin e nusërisë, i krijuar nga stilistja Blerina Kllokoqi Rugova. Ai nuk ishte i bardhë si fustanet tradicionale por ngjyrë pana dhe i punuar me gurë në pjesën e bustit dhe atë fundore. Ndërsa ecte drejt altarit, dallohej bishti i gjatë dhe velloja e bardhë.
